حدسك - كيف تُصغين لصوتك الداخلي

انتبهي!
قدّامك كلمات عميقة، من القلب جوّا جوّا..
ما أظنّ سمعتِ زيّهن قبل..
هدفي الوحيد من كتابتهن، هو إنّي أعطي مشاعرك شرعيّة..إنتِ طبيعيّة جدًّا!
وأنا هاي رسالتي بهاد العالم، إنّي أعطي المشاعر مكان وأخلق المساحة عشان نقدر نطلعها..
بترجاكِ اذا أثر فيكِ حتى لو ما تماثلتِ مع الاحداث والاشي ما بشبهك خذي نفس، اتطلعي حواليكِ وشوفي أي
صبية عمرها 18 او 20 وفوق ممكن هذا الكتاب يساعدها تحط عنوان لاشي هي مرقته.
أي صبية هذا الكتاب ممكن يكون نور في حياتها، عشان تعرف انها مش لحالها واذا انا عندي القدرة والشجاعة
اكتبه هي يمكن تكون لحالها وبحاجة تقرأه.
شكرا إلك..
كثير بعنيلي إنّك رح تقرئي هاي الكلمات..
إيمان ريناوي.